Kresala (En Euskara)

Txomin Agirre Ondarroan jaio zen 1864an. Abadeikasketak egin zituen eta Zumaiako moja karmeldarren kapeilau izan zen, 1920an hantxe hil zen arte. Bizimodu apal honen ostean, ordea, euskal eleberriaren sortzailea daukagu, besteak beste bi lan klasiko eder eta handi utzi zizkiguna: Kresala eta Garoa, lehena bizkaeraz idatzia eta arrantzale artean girotua, gipuzkeraz egina bigarrena, baserriko bizimoduaren berri ematen duena. Kresala Bizkaiko kostako Arranondo herrian (Ondarroaren izenaldaketa) dago kokatua. Arrantzale jendearen bizimodu eta ohiturak erakusten dizkigu bertan Agirrek, haritzat amodiozko istorio bat daukan kontaera bizi eta hunkigarrian. Egileak ez du bere pentsaera inoiz ezkutatzen: kristautasuna eta euskaltzaletasuna dira bere lanaren gidari, baina hau ez da inondik ere traba pasadizo barregarri nahiz latzak tartekatzeko, liburuari halako Iiteratur balioa ematen diotenak.Lehenbiziko aldiz eskaintzen diogu euskal irakurleari Kresala euskara batuaz, Jon Arretxek egindako moldaketan. Argitaraldi honekin ez da inongo euskalkirik zokoratu nahi; aitzitik, bizkaierak euskara batuari lexiko, joskera zein esaera aldetik ekarri behar dion aberastasunaz jabetzen lagunduko digula espero dugu.